Magnus J. Magnússon formaður Félags eldri borgara á Selfossi býður fundargesti velkomna og ræðir fundarefni dagsins.
Í febrúar boðaði Magnús J. Magnússon formaður Félags eldri borgara á Selfossi alla formenn félaga eldri borgara á Suðurlandi á fund á Selfossi. Einnig voru Helgi Pétursson, formaður LEB og Þorbjörn Guðmundsson formaður kjaranefndar LEB boðaðir á fundinn.
Fundurinn var haldinn föstudaginn 1. mars kl. 12.30 og voru um 25 aðilar úr stjórnum félganna og öldungaráðum á fundinum. Á fundinum reifuðu fundarmenn stöðu mála og hvað væri brýnt að ná fram sem fyrst.
Einnig höfðu þingmenn Suðurlandskjördæmis verið boðaðir á fund í framhaldi af fomannafundinum, enda kjödæmavika á Alþingi. Mættu 5 þingmenn kjördæmisins á seinni fundinn sem hófst kl. 13.30.
Þeir sem komu voru Guðrún Hafsteinsdóttir dómsmálaráðherra Sjálfstæðisflokki, Ásmundur Friðriksson Sjálfstæðisflokki, Guðbrandur Einarsson Viðreisn, Ásthildur Lóa Þórsdóttir Flokki fólksins og Oddný G. Harðardóttir Samfylkingunni. Þennan fund sátu einnig Helgi formaður LEB og Þorbjörn formaður kjaranefndar LEB.
Helgi Pétursson formaður LEB – Landssamband eldri borgara tók þátt í fundarhöldunum á Selfossi
Mjög góðar umræður voru á fundinum og þarna myndaðar tengingar sem skipta máli. Mörg mál voru reifuð og þingmenn upplýstir um stöðu mála og hverju fulltrúar eldri borgara töldu vera vert að stefna að.
Þingmenn samþykktu tillögu MJM þess efnis að svona fundur yrði árlegur í kjördæminu. Líklega strax í haust. Einnig var ákveðið að formannafundir félaganna yrðu að lágmarki tvisvar á ári. Reiknað er með næsta fundi í FEBSUÐ í maí.
Þessir fundir skila aukinni samvinnu félaganna á Suðurlandi og styrkir litlu félögin mikið.
Ljósmyndir tók Páll M. Skúlason
Guðrún Hafsteinsdóttir dómsmálaráðherra og þingmaður Sjálfstæðisflokksins í Suðurkjördæmi ávarpaði fundargesti
Meðal fundargesta voru nokkrir þingmenn kjördæmisins. Hér má sjá Oddnýju G. Harðardóttur þingmaður Samfylkingarinnar lengst t.v. ræða við fulltrúa eldri borgara. Ásthildur Lóa Þórsdóttir þingmaður Flokks fólksins sitjandi t.h.
Fundargestir komu víðs vegar að úr Suðurkjördæmi til að þinga um ýmis hagsmunamál eldra fólks í kjördæmaviku þingmanna.
Að loknum vel heppnuðum fundi. Frá vinstri: Magnús J. Magnússon formaður FEBSEL, Ásmundur Friðriksson þingmaður Sjálfstæðisflokksins, Helgi Pétursson formaður LEB, Guðbrandur Einarsson þingmaður Viðreisnar, Oddný G. Harðardóttir þingmaður Samfylkingarinnar, Ásthildur Lóa Þórsdóttir þingmaður Flokks fólksins, Þorbjörn Guðmundsson formaður kjaranefndar LEB og Guðrún Hafsteinsdóttir dómsmálaráðherra og þingmaður Sjálfstæðisflokksins