Alda – félag um sjálfbærni og lýðræði boðar til málstofu í Veröld, húsi Vigdísar miðvikudaginn 29. júní kl 14:00 til 16:00. Viðar Eggertsson skrifstofustjóri sækir málstofuna f.h. LEB.

Rætt verður um siðareglur og gagnsæi í starfi félagsamtaka. Frjáls félagasamtök berjast fyrir mikilvægum hagsmunum og sjónarmiðum, auk þess að móta samfélagsumræðuna. Þess vegna vilja félagasamtök leiða með góðu fordæmi og vilja eftir fremsta mengi tileinka sér vandaða starfshætti og gagnsæi. Og margt jákvætt hefur verið að gerast í þessum málum á Íslandi. Meðal þess er að fjöldamörg samtök hafa á undanförnum árum sett sér formlegar siðareglur og lagt áherslu á opna og vandaða starfshætti.