Áfengi og eldra fólk
Er verið að skemma partýið með því að vara eldra fólk við drykkju? Er einhver ástæða fyrir því að það sé ekki ráðlegt að drekka á efri árum?
Anna Björg Jónsdóttir sérfræðingur í öldrunarlækningum og yfirlækniröldrunarlækninga á Landspítala og Valgerður Rúnarsdóttir sérfræðingur í lyflækningum og framkvæmdastjóri lækninga hjá SÁÁ voru með erindi á fundi formanna aðildarfélaga LEB í febrúar 2026.
Þær voru báðar með erindi á læknadögum sem haldnir voru 19. janúar síðastliðinn. Yfirskrift Læknadaga var ÁFENGI Í ALFARALEIÐ: HIN FALDA SJÚKDÓMSBYRÐI: HVERNIG BIRTIST ÁFENGISNEYSLA Í HEILBRIGÐISKERFINU? SKYGGNST INN Í KIMA KERFISINS.
Í kjölfarið var mikil umræða úti í samfélginu um áfengisneyslu og þá einkum eldra fólks. Hvaða áhrif hefur áfengi á okkur þegar við eldumst? Hvernig breytist þol okkar gagnvart því þegar vöðvamassi minkar og við byrjum að taka lyf að staðaldri? Anna og Valgerður fræða okkur um hvernig áfengi fer saman við efri árin.
