Inni á island.is má finna upplýsingar um hreyfiúrræði (íþrótta- og tómstundastarf) á landsvísu fyrir eldra fólk.

Hreyfing 60+ á Ísland.is

Bjartur lífsstíll er samstarfsverkefni Landsambands eldri borgara (LEB) og Íþrótta- og Ólympíusambands Íslands (ÍSÍ).


Verkefnið er styrkt af félags- og húsnæðismálaráðuneytinu og mennta- og barnamálaráðuneytinu.

Bjartur lífsstíll er verkfærakista fyrir þau sveitarfélög, íþróttafélög og þjálfara sem sjá þörfina fyrir aðstoð, t.d. til að búa til nýtt hreyfiúrræði eða efla það góða starf sem nú þegar er í gangi.

Það skal sérstaklega tekið fram að verkefnið er ekki hreyfiúrræði og er þar með ekki í neinni samkeppni við hreyfiúrræði sem nú þegar eru til staðar.


Aðgengi að handbókum sem finna má á þessari síðu má nýta endurgjaldslaust
fyrir hvern þann sem telur sig geta nýtt sér efnið, t.d. iðkendur, þjálfara og sveitarfélög.

Facebook síða Bjarts lífsstíls
Facebook síða Hreyfing 60+ fyrir þjálfara

Handbækur og fræðsla

Vöðvavernd á efri árum:

Ein áhrifaríkasta leiðin til að sporna gegn öldrun og fylgifiskum hennar er að lyfta þungum lóðum, segir Maria Fiatarone Singh, bandarískur öldrunarlæknir sem rannsakað hefur vöðvavernd hjá eldra fólki. Kastljós ræddi við hana 22. apríl 2024 og reif í lóðin með Elsu og Páli, lyftingaköppum á besta aldri.

Hlekkur á viðtal hér

Heilsuefling á efri árum

Heilsueflandi samfélag er heil­dræn nál­gun sem em­bæt­ti landlæk­nis vin­nur að í sam­star­fi og sam­ráði við sveitar­félög, opin­ber­ar stof­nanir og fr­jáls féla­gasamtök. Heil­sue­fling á efri árum tilheyrir heil­sue­flan­di sam­félögum og snýr að þeim þát­tum sem sner­tir áhri­faþæt­ti heil­su el­dra fólks. Á heimasíðu verkefnisins er að finna ýmsan fróðleik varðandi heilsu eldra fólks, svo sem : hreyfingu, næringu, svefn, andlega og félagslega heilsu.

Vefsíða heilsueflingar á efri árum

Málþing

13. nóvember 2025

Málþing Bjarts lífsstíls hafa verið haldin síðan 2023 og eru hugsuð til að efla fræðslu og faglegan stuðning til þeirra sem koma að heilsueflingu eldra fólks. Málþingið er fyrir þjálfara, iðkendur og alla sem hafa áhuga á heilsueflingu eldra fólks. Í ár var fenginn góður hópur til að vera með erindi. Málþingið var haldið rafrænt að þessu sinni til þess að sem flestir gætu nýtt sér það, óháð búsetu.

Ekki brotna: Fræðsla og forvarnir

Sigríður Björnsdóttir, sérfræðingur í innkirtlafræðum og sykursýki hjá Heilsuklasanum í Reykjavík.

Hún lauk sérnámi á Karolinska-sjúkrahúsinu í Svíþjóð og doktorsprófi frá Karolinska Institutet. Hún hefur unnið mikið með beinþynningu og aðra beinsjúkdóma, og tók þátt í að semja klínískar leiðbeiningar fyrir Sænsku beinþynningarsamtökin. Sigríður hefur birt fjölda ritrýndra greina og tekið virkan þátt í kennslu, leiðbeiningu erlendis og á Íslandi.

Sigríður fjallaði um beinheilsu, beinbrot og forvarnir og kynnti nýjan upplýsingavef: beinheilsa.is.

Jafnvægi: Skoðun og meðferð

Ragnar Freyr Gústafsson er starfandi sjúkraþjálfari og eigandi fyrirtækisins Sjúkraþjálfun Styrkur ehf.

Hann útskrifaðist árið 2019 með MSc. próf í sjúkraþjálfun frá Háskóla Íslands. Árið 2022 lá leiðin í Háskólann í Pittsburgh í framhaldsnám til sérfræðiréttinda í vestribular endurhæfingu - Jafnvægiskerfi innra eyra, svimi og höfuðhögg.

Ragnar fjallaði um jafnvægisþjálfun, mikilvægi vandaðrar sögutöku, prófa við mat á færni, fræðslu og sérsniðinnar æfingaáætlunar.

Strategies to Longevity:

How to Age Strong & Live Long

Robert Linkul er eigandi TOA (Training the Older Adult.com) þar sem boðið er upp á einkaþjálfun og stafrænt framhaldsnám fyrir líkamsræktarfagfólk í Kaliforníu. Námið leggur áherslu á sérþekkingu á mótstöðuþjálfunaraðferðir fyrir eldra fólk með líkamlegar takmarkanir og/eða skert lífsgæði. Robert Linkul er með meistaragráðu í persónulegri þjálfun, hlaut „Personal Trainer of the Year“ verðlaunin árið 2012, og er fræðslustjóri hjá Fit Body Boot Camp.

Robert talaði um leiðir til langlífis og hvernig á að vera sterkur á efri árum. Hann kom inn á baráttu við vöðvatap og beinþynningu með hækkandi aldri og sagði frá æfingum sem hjálpa til við að vinna á móti slíkri þróun. Linkul sérhæfir sig í þjálfun eldra fólks og er eigandi TrainingtheOlderAdult.com. Hann er þekktur og vinsæll fyrirlesari og hefur ferðast víða um heim með sín erindi.

Myndbönd frá fyrirlestri Robert Linkul

Suitcase Carry
SGL arm row
Suitcase Carry 2
SGL arm row 2
Tank Push & Drag

Kraftur í KR

Linda Björk Ólafsdóttir er menntaður íþrótta- og heilsufræðingur frá Háskóla Íslands. Hún er yfirþjálfari Krafts í KR sem er samstarfsverkefni Samfélagshússins á Aflagranda 40 og KR sem snýr að hreyfingu fyrir fólk óháð aldri og búsetu. Markmið Krafts í KR er að stuðla að bættri líkamlegri, andlegri og félagslegri heilsu og stuðla þar með að auknum lífsgæðum. Á æfingum er lögð áhersla á fjölbreytta þjálfun þar sem unnið er með styrk, þol, jafnvægi og liðleikaæfingar.

Linda kynnti hreyfiúrræðið Kraftur í KR sem hefur notið aukinna vinsælda. Tengsl, viðurkenning og vinátta eru mjög mikilvægir þættir í starfinu. Það er mikil félagsleg virkni í kring um hópinn fyrir utan æfingar, ferðir og þátttaka í viðburðum eins og Lífshlaupinu og Reykjavíkur maraþoni. Að mæta í tíma er gæðastund sem styrkir sjálfsmynd og líðan.

Karlar í skúrum

Jón Bjarni Bjarnason starfaði lengst af sem kennari, grafískur hönnuður og markþjálfi.

Í dag er hann formaður “Karlar í skúrum” í Hafnarfirði. Þar sem markmiðið er að vinna gegn einsemd, einmannaleika og tengslaleysi karla á eftirlaunum. Félagið er engu að síður opið öllum körlum frá 18 ára aldri, sem vilja njóta félagsskaparins og nýta aðstöðuna sem boðið er upp á.

Jón Bjarni sagði frá starfseminni Karlar í skúrum sem er góður vettvangur fyrir þá sem hafa gaman að því að að vinna með höndunum og skapa. Margir sakna þess tengslanets sem þeir áttu í vinnunni og í skúrnum geta þeir hitt félaga, skapað og spjallað yfir kaffibolla.

Upptaka af erindi Sigríðar Björnsdóttur
Glærur frá Sigríði Björnsdóttur
Beinheilsa.is
Upptaka af erindi Ragnars Freys Gústafssonar
Glærur frá Ragnari Frey Gústafssyni
Upptaka af erindi Robert Linkul
Glærur frá Robert Linkul
Vefsíða TOA
Youtube-rás Robert Linkul
Single Arm Snatches
Rack pulls
Hinge & High Pull
Upptaka af erindi Lindu Bjarkar Ólafsdóttur
Glærur frá Lindu Björk Ólafsdóttur
Upptaka af erindi Jóns Bjarna Bjarnasonar

Myndband frá Körlum í skúrum í tilefni Guls september 2025

Single Arm Snatches 2
Rack Pulls 2

Málþing 2023

Þann 16. maí 2023 fór fram ráðstefna á vegum Bjarts lífsstíls sem var sameiginlegt verkefni Íþrótta- og Ólympíusambands Íslands og Landssambands eldri borgara. Ráðstefnan er unnin í samstarfi við Háskólann í Reykjavík og heilsueflandi samfélag (HSAM).

Dagskráin var sniðin fyrir skipuleggjendur og þjálfara sem sjá um hreyfiúrræði fyrir 60+ og áhugasama aðila um málefnið.
Markmið ráðstefnunnar er að búa til vettvang til að auka samvinnu á milli þjálfara og víkka sjóndeildarhringinn varðandi heilsueflingu 60+. Auk þess að vera hvatning fyrir áhugasama sem vilja stíga sín fyrstu skref í þjálfun eldri aldurshópa.

  • Heiti erindis: Hreyfing og mataræði 60+ í Heilsueflandi samfélagi

    Gígja er verkefnastjóri Heilsueflandi samfélags (HSAM) og einnig málaflokksins hreyfingar hjá embætti landlæknis og er m.a. fulltrúi embættisins í vísindanefnd um loftslagsbreytingar. Hún er með BSc gráðu í íþrótta- og heilsufræði og meistaragráðu í lýðheilsufræði (MPH). Gígja var áður m.a. sviðsstjóri almenningsíþróttasviðs ÍSÍ og sat í framkvæmdastjórn ÍBR í 17 ár.

  • Heiti erindis: Hreyfiseðill: Skrifað upp á hreyfingu sem meðferð við sjúkdómum

    Auður er menntaður sjúkraþjálfari og starfar sem fagstjóri sjúkraþjálfunarþjónustu innan Þróunarmiðstöð íslenskrar heilsugæslu (ÞHÍ). Auður er einnig framkvæmdarstjóri, stofnandi og eigandi fyrirtækisins Sjúkraþjálfun Styrkur ehf. ásamt því að vera stundakennari í læknadeild við námsbraut í sjúkraþjálfun hjá Háskóla Íslands.

  • Heiti erindis: Æfing er meðal: Hugmyndin um að brúa bilið milli læknisvísinda og þjálffræðivísinda

    Arnar er íþróttafræðingur á endurhæfingadeild Landakotspítala og stundakennari við íþróttafræðideild Háskólans í Reykjavík. Fyrrum forstöðumaður íþróttaakademíu Keilis. Arnar er einnig meðstofnandi tveggja sprotafyrirtækja Fort ehf, sem hyggur á forhæfingu og endurhæfingu eldra fólks og Innohealth ehf sem vinnur að þróun for- og endurhæfingatækja.

  • Heiti erindis: Virk efri ár (60+) á Akureyri

    Héðinn er með meistaragráðu í félagssálfræði og starfar sem verkefnastjóri lýðheilsumála hjá Akureyrarbæ.
    Héðinn er meðal þeirra sem halda utan um verkefnið „Virk efri ár“ sem ætlað er að styðja við heilsueflingu eldri íbúa Akureyrarbæjar.

  • Heiti erindis: Betri borgarar Fylkis

    Guðrún Ósk er formaður fimleikadeildar Fylkis og rekstrarstjóri Fylkissels.

    ​

    Guðný Erla er menntuð leikskólakennari, situr í stjórn fimleikadeildar Fylkis og vinnur að markaðsmálum fyrir Fylki.

    Saman kenna þær Guðrún og Guðný leikfimi fyrir betri borgara 65 ára og eldri í fimleikasal Fylkis í Fylkisseli auk þess að sjá um íþróttaskóla barna 3-5 ára í Fylki.

  • Heiti erindis: 60+ fyrir austan fjall

    Berglind er menntaður íþróttakennari og sér um heilsueflingu 60+ í Árborg og Hveragerði. Berglind starfar einnig við kennslu í vatnsleikfimi hjá Vatn og heilsu, hóptímakennslu í World Class, einkaþjálfun fyrir Virk-starfsenduhæfingu ásamt því að vera með endurhæfingahóp fyrir Krabbameinsfélag Árnessýslu.

  • Heiti erindis: Virkni og vellíðan í Kópavogi

    Fríða Karen er menntaður íþróttafræðingur frá Háskólanum í Reykjavík og starfar sem verkefnastjóri Virkni og vellíðan í Kópavogi.


    Kristján er     meistaranemi í íþróttavísindum og þjálfun við Háskólann í Reykjavík og starfar sem viðskiptastjóri hjá Sportabler. Kristján hefur haft umsjón yfir mælingum á þátttakendum í Virkni og Vellíðan á vegum Háskólans í Reykjavík.

    ​

    Saman munu þau Fríða Karen og Kristján fjalla um verkefnið Virkni og vellíðan sem miðar að heilsueflingu fyrir 60 ára og eldri í Kópavogi. Verkefnið er á vegum Kópavogsbæjar í samstarfi við íþróttafélögin þrjú, Breiðablik, Gerplu og HK.

  • Heiti erindis: Gleði og húmor

    Ágústa er einka- og markþjálfi, og sér um þjálfun eldri aldurshópa í Grundafirði.

    ​

    Rut er spinning hóp og einkaþjálfari, og sér einnig um þjálfun eldri aldurshópa í Grundarfirði.

    Saman hafa þær leitt heilsurækt fyrir eldri borgara og öryrkja í Grundarfirði í þrjú ár. Verkefnið ber nafnið heilsuefling 60+ og nýtur góðs stuðnings Grundarfjarðardeildar RKÍ.

  • Heiti erindis: Heilsuhraustir hólmarar

    Gunnhildur er með BSc í íþróttafræði frá Háskólanum í Reykjavík og MED kennsluréttindi frá Háskólanum á Akureyri. Gunnhildur starfar sem grunnskólakennari í Grunnskólanum í Stykkishólmi og þjálfar 60+ ásamt því að kenna vatnsleikfimi og vera yfirþjálfari yngri flokka Snæfells í körfubolta.

    ​

    Gísli er með BSc í íþróttafræði og kennsluréttindi frá Háskóla Íslands og MSc í íþrótta- og heilsufræði frá University of South Alabama. Gísli starfar sem framhaldsskólakennari við Fjölbrautarskóla Snæfellinga og kennir allt sem tengist íþróttum og lýðheilsu ásamt því að vera eigandi og þjálfari líkamsræktar- og Crossfit starfseminnar í Stykkishólmi. Þá hefur Gísli þjálfað 60+ þar til ársins 2021, en hefur gengt afleysingarstörfum samhliða núverandi starfi síðan þá.

    ​

    Saman munu þau Gunnhildur og Gísli fjalla um heilsueflingu 60+ í Stykkishólmi.

  • Heiti erindis: Gleði og heilsa í fyrirrúmi

    Halla Karen er íþróttakennari og hefur starfað í yfir 30 ár í framhaldsskóla ásamt því hefur hún kennt alls kyns hóptíma og námskeið fyrir allan aldur. Árið 2018 kom Halla Karen af stað leikfimi fyrir 67 ára og eldri í Mosfellsbæ.

    ​

    Berta er með meistaragráðu í jákvæðri sálfræði ásamt því að vera með einkaþjálfararéttindi. Berta hefur starfað sem þjálfari frá árinu 2018 og hefur verið að kenna alls kyns hóptíma og námskeið fyrir fjölbreyttan hóp af fólki. Berta kom inn í þjálfun 67 ára og eldri með Höllu Kareni árið 2019.

    ​

    Saman munu þær Halla Karen og Berta fjalla um verkefnið Heilsa og hugur í Mosfellsbæ.

Málþing 2024

Máþing var haldið í Hjálmakletti í Borgarbyggð þriðjudaginn 19. nóvember 2024. Yfirskriftin var Hreyfing og heilsuefling 60+

Þingið var einkum ætlað fyrir fagaðila sem koma að stjórnun, þjálfun og heilsueflingu eldra fólks.

Upptaka af málþingi 2023

Ávörp:

15:42 Guðmundur Ingi

22:10 Willum Þór

29:10 Helgi P

32:50 Andri

​Erindi:

38:40 Gígja

47:40 Auður

59:18 Arnar H

01:08 Héðinn

01:20 Guðný og Guðrún

01:30 Berglind

01:40 Fríða og Kristján

01:51 Rut og Ágústa

01:59 Gunnhildur og Gísli

02:08 Halla og Berta

Upptaka af málþingi 2024