Framkvæmdastjórn LEB ákvað fyrr á þessu ári að óska eftir því að landssambandið fengi að taka þátt í kröfugöngunni í Reykjvík þann 1. maí í tilefni af baráttudegi verkamanna og Evrópuárs aldraðra 2012 undir merkjum Landssambands eldri borgara.  Góðfúslega var orðið veð beiðni LEB og því er þess vænst að sem flestir eldri borgarar á höfuðborgarsvæðinu sameinist og gangi undir merkjum LEB. Útbúnir hafa verið þrír kröfugönguborðar og auk merkis og Landsambands eldri borgara eru hvatningarorðin þessai: "Aldraðir eru auðlind" - "Barátta til betri kjara" og "Við viljum eiga val."  Nú er það okkar, eldri borgara, að vinna málstaðnum gagn með því að taka þátt í göngunni og fylgja þannig eftir kröfum okkar. Því er einnig beint til félaganna í landinu að þau taki þátt í dagskránni, hvert í sinni heimabyggð. Sýnum samstöðu.

Landsamband eldri borgara, Rannsóknastofnun í barna- og fjölskylduvernd
og Stofnun stjórnsýslufræða og stjórnmála við Háskóla Íslands bjóða til málþings um

Heilsufar, líðan og aðstæður eldri borgara - niðurstöður nýrra rannsókna
þriðjudaginn 17. apríl kl. 14:00-15:30 í Háskólatorgi stofu 105 Háskóla Íslands

Þátttökugjald er kr. 1.900.-, en kr. 1.400.- fyrir eldri borgara.
Skráning HÉR

Dagskrá formannafundar LEB 13. mars kl 13:00

að Stangarhyl 4 ( húsnæði FEB í Reykjavík og nágrenni)

1. Kl 13:00     Fundarsetning

1. Kl 13:05     Kosnir fundarstjórar og fundarritarar.

1. Kl 13:10     Skýrsla formanns

1. Kl 13:25     Ársreikningur 2011 til kynningar

1. Kl 13:35     Umræður um skýrslu formanns.

1. Kl 13:45     Kynntar lagabreytingar -  Birna Bjarnadóttir form.laganefnd.

1. Kl 14:00     Erindi. Lífeyristrygging almannatrygginga  Sigríður Lillý

Baldursdóttir forstjóri TR.

1. Kl 14:30     Umræður og fyrirspurnir um erindið.

1. Kl 14:45     Kaffihlé

1. Kl 15:15     Ár aldraðra 2012, -  Hvað viljum við gera?

1. Kl  15:25    Heimasíða LEB – litið til framtíðar.

1. Kl  15:35    Umræður

1. Kl  16:00    Kosið í uppstillinganefnd fyrir landsfund.

1. Kl  16:10    Önnur mál.

1. Kl  17:00    Fundarslit.

Að fundi loknum er kvöldverður á Grand- hóteli kl 19:30.  Tilkynna þarf þátttöku á formannafundi og jafnframt hvort menn vilja  taka þátt í kvöldverði.  Þátttöku þarf að tilkynna  í síðasta lagi 9.mars til skrifstofu LEB  í tölvupósti eða síma.

Vegna fréttaflutnings um áhrif séreignarsparnaðar á greiðslur Tryggingastofnunar vill Tryggingastofnun koma eftirfarandi upplýsingum á framfæri.

Séreignarsparnaður hefur almennt ekki áhrif á útreikning lífeyrisgreiðslna (elli-, örorku-, slysa- og endurhæfingarlífeyris og tengdra greiðslna) frá Tryggingastofnun.

Úttekt séreignarsparnaðar hefur eingöngu

Í gær 22. febrúar 2012 var dregið úr réttum lausnum í krossgátuleik blaðsins Listin að lifa.  Alls bárust 164 réttar lausnir en ekkert nafn var með einni þeirra.

Vinningshafi reyndist vera Guðlaug Ágústa Lúðvíksdóttir, Katrínarlind 2-4 í Reykjavík.  Listin að lifa óskar sigurvegaranum til hamingju.

Ályktun stjórnar Landssambands eldri borgara

um starfsemi lífeyrissjóðanna

Landssamband eldri borgara hefur fjallað um starfsemi  lífeyrissjóðanna og gerði eftirfarandi samþykkt á fundi sínum 14. febrúar 2012:

Landssamband eldri borgara fagnar aukinni umræðu um málefni lífeyrissjóða og útkomu skýrslu rannsóknarnefndar lífeyrissjóðanna. Landssambandið minnir á að greiðslur úr lífeyrissjóðum er mikilvægasta uppspretta tekna eldri borgara og því hafa skerðingar á réttindum til útgreiðslu úr lífeyrissjóðum árin frá hruni reynst eldri borgurum þungar í skauti. Við þann bagga bættist ákvörðun Alþingis um að tengja lífeyrisgreiðslur við grunnlífeyri almannatrygginga 1. júlí 2009, þannig að þær hefðu áhrif til skerðingar á ellilífeyri auk þess sem fjármagnstekjur voru tekjutengdar að fullu við bætur almannatrygginga en höfðu áður verið tengdar að hálfu. Eldri borgarar urðu þannig fyrir umtalsvert meiri skerðingu á kjörum sínum en aðrir þjóðfélagshópar.