Fundur fólksins verður haldinn núna um helgina í Norræna húsinu og Grósku hugmyndahúsi, í Vatnsmýrinni í Reykjavík.  

Almannaheill stendur fyrir pallborðsumræðum í Grósku, laugardaginn 17. september, kl. 15:00, þar sem fjallað verður um hvort tekist hefur að breyta starfsumhverfi almannaheillasamtaka til hins betra með nýju félagaformi og breyttum skattareglum.

Jafnframt verða viðburðir og/eða kynningarbásar frá aðildarfélögunum IOGT á Íslandi, Landvernd, Öryrkjabandalagi Íslands og ADHD samtökunum.

LEB er aðili að Almannaheillum og sækir Viðar Eggertsson skrifstofustjóri fundinn f.h. LEB

Dagskrá í heild sinni má sjá á: www.fundurfolksins.is og svo bara að mæta á Fund fólksins um helgina.