Böðvar Guðmundsson höfundur bókanna Hýbýli vindanna og Lífsins tré flytur fyrirlestur um tilurð þeirra á fræðslufundi Þjóðræknisfélags Íslands í fyrirlestrarsal Þjóðminjasafns Íslands, fimmtudaginn 21. nóvember kl. 16.30. Fyrirlesturinn er öllum opinn.
Bækurnar eru um íslenska Vesturfara og komu út um miðjan tíunda áratug liðinnar aldar. Böðvar fékk Íslensku bókmenntaverðlaunin fyrir Lífsins tré. Vinsæl leiksýning var sýnd í Borgarleikhúsinu sem byggði á bókunum.