Landsbókasafnið rekur vef er nefnist timarit.is. Á vefnum eru aðgengileg í rafrænu formi flest tímarit og blöð sem gefin hafa verið út hér á landi. Í haust hóf LEB og Landsbókasafnið markvissa vinnu við að setja tímaritið okkar „Listin að lifa“ í rafrænt form og gera það aðgengilegt á timarit.is. Sú vinna gekk vel og nú er „Listin að lifa“ aðgengileg á timarit.is. Þar með er varðveitt saga af uppbyggingu og baráttumálum félaga eldri borgara á þessu tímabili, sem er mikilvægur hluti af sögu lands og lýðs.