LEB hefur fundið fyrir vaxandi þörf margra eldri borgara sem ekki hafa verið tölvuvæddir að hafa handhægt kennsluefni sem myndi nýtast þeim til að komast í rafrænt samband við umheiminn.

Enda er tölvulæsi orðið ómissandi þáttur í ýmsum samskiptum, hvort sem er manna í millum eða við opinberar stofnanir. Tölvur eru í mismunandi formum: Borðtölvur, spjaldtölvur, fartölvur… Jafnvel nýjustu símar eru orðnir fyrirtaks tölvur.

Í haust réðst LEB í að vinna að málinu  og fékk Oddnýju Helgu einarsdóttur til að taka saman kennsluefni,  í sitt hvort ritið, fyrir Ipad annars vegar og Androit stýrikerfi hins vegar. Androit er í nánast öllum tölvum sem ekki eru af Ipad gerð.

Kennsluefnið er í bæklingum af A4 stærð og ríkulega skreyttir leiðbeininamyndum. Þar er farið skref fyrir skref um ýmsa grunnþætti spjaldtölvunnar, eins og t.d.: Almenn virkni, Uppsetning, skjárinn, lykilorð, stöðuborð, lyklaborð, að skipta um bakgrunn, tengjast interneti, myndavél, vafri, sækja forrit, tölvupóstur, Facebook, kort, uppfærslur…

Bæklingarnir, Ipad og Androit, bjóðast félagsmönnum LEB, sem eru félagsmenn allra félaga eldri borgara um allt land á afsláttarverði: 500 kr. fyrir eintakið.

Almennt verð er 800 kr. fyrir eintakið

Pantanir sendist á netfangið leb@leb.is ásamt upplýsingum um eintakafjölda og þá af hvorri gerð bæklings, nafn greiðanda, heimilisfang og kennitölu.

Einnig er hægt að koma við á skrifstofu LEB að Sigtúni 42, 105 Reykjavík. Skrifstofan er opin þriðjudaga, miðvikudaga og fimmtudaga kl. 9.00 – 12.00.

Félagsmálaráðuneytið styrkti útgáfuna.