LEB hefur fundið fyrir vaxandi þörf margra eldri borgara sem ekki hafa verið tölvuvæddir að hafa handhægt kennsluefni sem myndi nýtast þeim til að komast í rafrænt samband við umheiminn.

Enda er tölvulæsi orðið ómissandi þáttur í ýmsum samskiptum, hvort sem er manna í millum eða við opinberar stofnanir. Tölvur eru í mismunandi formum: Borðtölvur, spjaldtölvur, fartölvur… Jafnvel nýjustu símar eru orðnir fyrirtaks.

Í haust réðst LEB í að vinna að málinu og fékk Oddnýju Helgu Einarsdóttur til að taka saman kennsluefni, í sitt hvort ritið, fyrir Ipad annars vegar og Android stýrikerfi hins vegar. Android er í nánast öllum tölvum sem ekki eru af Ipad gerð.

Kennsluefnið er í bæklingum af A4 stærð og ríkulega skreyttir leiðbeininga myndum. Þar er farið skref fyrir skref um ýmsa grunnþætti spjaldtölvunnar, eins og t.d.:

  • Almenn virkni
  • Uppsetning
  • Skjárinn
  • Lykilorð
  • Stöðuborð
  • Lyklaborð
  • Að skipta um bakgrunn
  • Tengjast interneti
  • Myndavél
  • Vafri
  • Sækja forrit
  • Tölvupóstur
  • Facebook
  • Kort
  • Uppfærslur

Bæklingarnir, Ipad og Android, bjóðast félagsmönnum LEB, sem eru félagsmenn allra félaga eldri borgara um allt land á afsláttarverði: 800 kr. fyrir eintakið.

Almennt verð er 1.000 kr. fyrir eintakið

Pantanir sendist á netfangið leb@leb.is
Ásamt þessum upplýsingum:
– Eintakafjöldi og þá af hvorri gerð bæklings
– Nafn viðtakanda, heimilisfang og kennitala.

Ef greiðandi er annar en viðtakandi þá þarf að taka fram:
– Nafn hans, heimilisfang og kennitölu

Við póstsendum hvert á land sem er. Póstburðargjöld eru greidd af LEB.

Við mælumst til að einstaklingar sem kaupa af okkur bæklinga gegnum netið millifæri á reikning okkar:
– Kennitala: 6009894059
– Bankanr.: 0516-26-013888

Senda kvittun úr heimabanka á netfangið leb@leb.is

Félagsmálaráðuneytið styrkti útgáfuna.